Video
Read full review
2019-08-05
325 views
Weekend去咗大埔郊遊，夜晚喺太和果邊搵嘢食，發現原來都好多餐廳，花多眼亂，最終見到呢間喺corner位嘅餐廳🍴好似幾chill吓，所以就入嚟試咗。餐廳唔大，7點多啲就已經滿座，講返食物，有2大張menu，小食、pasta、burger同main等，另外亦有dinner set同drink menu🧾。避風塘軟殼蟹🦀($98/2pcs)，用蒸籠上好似點心咁哈哈，剛剛炸起熱辣辣，避風塘粒有啲薯片碎好得意，幾惹味正。澳洲和牛肉醬西班牙辣肉腸帕馬臣芝士扭捲粉伴63度溫泉蛋🍝($138)，個名好長😂，個扭捲粉係通芯的，幾掛汁，個肉醬幾夠茄味好多牛肉(唔碎果啲)，而且個粉幾特別，好好咬口👍🏻，有飽肚感。烤澳洲羊架🍖伴煙肉，車厘茄，嫩菠菜及蕯丁尼亞珍珠麵($298)，估唔到個羊架係成大嚿上，可以切到3條骨，啲肉唔騷唔錯👍🏻，我更加鐘意係啲珍珠麵同嫩菠菜☘️，勁好味，真係成粒珍珠咁，個texture好正，又好入味😋😍。飲品方面，見到呢2個比較eye catching，個名又好頂癮，所以一於試吓。首先係茶葉浸美麗(My cup of tea)($94)，原來有熱有凍的，以為要揀，熱係用茶壺仔同酒杯盛
餐廳唔大，7點多啲就已經滿座，講返食物，有2大張menu，小食、pasta、burger同main等，另外亦有dinner set同drink menu🧾。
避風塘軟殼蟹🦀($98/2pcs)，用蒸籠上好似點心咁哈哈，剛剛炸起熱辣辣，避風塘粒有啲薯片碎好得意，幾惹味正。
澳洲和牛肉醬西班牙辣肉腸帕馬臣芝士扭捲粉伴63度溫泉蛋🍝($138)，個名好長😂，個扭捲粉係通芯的，幾掛汁，個肉醬幾夠茄味好多牛肉(唔碎果啲)，而且個粉幾特別，好好咬口👍🏻，有飽肚感。
烤澳洲羊架🍖伴煙肉，車厘茄，嫩菠菜及蕯丁尼亞珍珠麵($298)，估唔到個羊架係成大嚿上，可以切到3條骨，啲肉唔騷唔錯👍🏻，我更加鐘意係啲珍珠麵同嫩菠菜☘️，勁好味，真係成粒珍珠咁，個texture好正，又好入味😋😍。
飲品方面，見到呢2個比較eye catching，個名又好頂癮，所以一於試吓。首先係茶葉浸美麗(My cup of tea)($94)，原來有熱有凍的，以為要揀，熱係用茶壺仔同酒杯盛，係有啲茶葉味，不過酒味更濃(可能熱酒再濃的)，酒量淺嘅我有啲受唔住🙈；所以凍的對我來説較對味👍🏻。
另一款係蘇蘭豆腐(Tofu Pudding)($94)，order時店員話呢款比較似甜品，問我哋會唔會想食哂飯先上，就咁話啦😉。Wow原個木桶上又用福祿壽碗上，外型拎哂分，店員首先倒咗啲溝咗whiskey嘅豆漿落去豆花到，要再焗一陣先食得，到食喇果然係有酒味，第一次食有酒味嘅豆腐花，幾特別，加埋平日啲黃糖又係另一種味道👍🏻，一食多味，不過我覺得佢真係似甜品唔係cocktail🤣。
總括嚟講，呢間餐廳嘅飲品食物好特別🤤，環境又唔錯，有機會嚟到大埔可以試吓👍🏻。
Post
