Video
Read full review
2020-02-16
158 views
大埔除咗入去大尾篤食泰菜外，其實係太和附近都有間唔錯嘅選擇。今次食左呢間木船餐廳，食物帶點fusion 嘅感覺，裝修好有格調，入面嘅裝修好似隻船咁，環境都唔錯！青木瓜沙律$62首先我哋就點左個青木瓜沙律，青木瓜爽口多汁，酸酸地唔係太辣，配有車厘茄和提子，作為前菜小食好開胃，適合不過。小食拼盤（小）$52小食拼盤兩個人食份量啱啱好，一共有四款唔同嘅小食，每款2 件。整體味道都唔錯，甘蔗蝦入面仲食到粒粒蝦肉，春卷炸得好鬆脆！椰子雞煲$98好少泰國菜會有椰子雞煲食，天氣凍凍地食個煲仔菜最好不過！呢個椰子雞煲真材實料，個椰汁唔係罐頭椰漿，入面仲有新鮮嘅椰子肉，椰子肉清甜帶有咬口。而椰汁就充滿清甜嘅椰子鮮味。入面每件雞都大大件新鮮嫩滑，再吸埋椰汁嘅味道，好好食！每個煲仔菜而家仲會送埋一杯熱飲，可以揀熱柚子蜜或者熱薑蜜。加$15就可以飲到原價32 的招牌泰式奶茶！川燒雞柳泰炒飯$78呢個飯配有兩串雞肉串燒，金黃色嘅串燒燒得好香口又juicy ，唔會乾爭爭！而且呢度嘅沙嗲醬好好食，充滿好香嘅花生味，辣辣地好香口！炒飯炒得好乾身，每粒米都圓潤飽滿，加埋雞肉和臘腸一齊炒，炒得好香，味道帶有fusion
青木瓜沙律$62
首先我哋就點左個青木瓜沙律，青木瓜爽口多汁，酸酸地唔係太辣，配有車厘茄和提子，作為前菜小食好開胃，適合不過。小食拼盤（小）$52
小食拼盤兩個人食份量啱啱好，一共有四款唔同嘅小食，每款2 件。整體味道都唔錯，甘蔗蝦入面仲食到粒粒蝦肉，春卷炸得好鬆脆！
椰子雞煲$98
好少泰國菜會有椰子雞煲食，天氣凍凍地食個煲仔菜最好不過！呢個椰子雞煲真材實料，個椰汁唔係罐頭椰漿，入面仲有新鮮嘅椰子肉，椰子肉清甜帶有咬口。而椰汁就充滿清甜嘅椰子鮮味。
入面每件雞都大大件新鮮嫩滑，再吸埋椰汁嘅味道，好好食！每個煲仔菜而家仲會送埋一杯熱飲，可以揀熱柚子蜜或者熱薑蜜。加$15就可以飲到原價32 的招牌泰式奶茶！川燒雞柳泰炒飯$78
呢個飯配有兩串雞肉串燒，金黃色嘅串燒燒得好香口又juicy ，唔會乾爭爭！而且呢度嘅沙嗲醬好好食，充滿好香嘅花生味，辣辣地好香口！
炒飯炒得好乾身，每粒米都圓潤飽滿，加埋雞肉和臘腸一齊炒，炒得好香，味道帶有fusion 嘅味道，好似食緊臘味飯嘅感覺！
泰公主$45
呢杯沙冰混和左士多啤梨，蘋果，和青檸果汁。味道帶有豐富濃厚嘅草莓味，味道好fresh ，好新鮮，酸酸甜甜，好解渴。
泰式奶茶+$15呢度嘅泰式奶茶嘅茶底係用泰國出名嗰隻茶葉沖，味道好正宗，似泰國飲嘅味道，上面仲有一層cream，奶茶味道好creamy ，唔會太甜，甜度啱啱好。
Post
