Video
Read full review
2021-05-29
720 views
位於大埔市政街市附近位置唔太起眼 咁啱起附近買完野諗住搵食 見佢多選擇 望落幾新咁就入咗去同上一次食嗰間拾味刀削麵款式差唔多餐牌太多選擇 配搭 睇到眼花🙈揀咗好耐先揀到要咩又有菜飯又有麵麵分湯 冷拌 熱拌又可以揀拉麵 薯粉 刀削麵 年糕 最後揀咗花雕醉雞刀削麵 ($46)包飲品 要咗凍檸水落完單好快就上菜 麵同餸分開上兩個份量都超級大！仲可以自己揀落唔落蔥 另外有條生菜湯底夠清淡👍🏻咁就可以品嘗到餸嘅味依個花雕醉雞個樣就冇咁靚但係明顯用新鮮雞 味道好 食到少少酒味 同時好香雞油味 好似啲海南雞咁🐔平時我唔食皮 不過佢依個皮似啫喱 好好食個肉都非常滑嫩 所以成舊雞都好好食好入味😋而且唔算多骨個刀削麵更加正見到佢每條粗幼度長短唔同之後望入廚房就見到個師傅起到刨緊個麵團 然後一條條麵削出嚟就知道原來係真材實料🍜佢個麵質係超級好食嗰隻 超級煙韌彈牙 勁有嚼口 猶其粗身啲嗰啲😍味道就似餃子皮雖然個麵超多 食咗大半已經少少飽 但係由於太好食 決定要食晒佢 因為出面好難搵到咁好食嘅麵！-味道非常之唔錯 有水準環境ok 係唔知點解入到去有少少味 不過坐耐咗就慣咗服務都可以 係衛生差少少 見廚房個師傅除
位置唔太起眼 咁啱起附近買完野
諗住搵食 見佢多選擇 望落幾新咁就入咗去
同上一次食嗰間拾味刀削麵款式差唔多
餐牌太多選擇 配搭 睇到眼花🙈
揀咗好耐先揀到要咩
又有菜飯又有麵
麵分湯 冷拌 熱拌
又可以揀拉麵 薯粉 刀削麵 年糕
最後揀咗花雕醉雞刀削麵 ($46)
包飲品 要咗凍檸水
花雕醉雞刀削麵
$46
73 views
0 likes
0 comments
落完單好快就上菜 麵同餸分開上
兩個份量都超級大！
仲可以自己揀落唔落蔥 另外有條生菜
湯底夠清淡👍🏻咁就可以品嘗到餸嘅味
依個花雕醉雞個樣就冇咁靚
但係明顯用新鮮雞
味道好 食到少少酒味 同時好香雞油味 好似啲海南雞咁🐔
平時我唔食皮 不過佢依個皮似啫喱 好好食
個肉都非常滑嫩 所以成舊雞都好好食好入味😋
而且唔算多骨
刀削麵
39 views
0 likes
0 comments
見到佢每條粗幼度長短唔同
之後望入廚房就見到個師傅起到刨緊個麵團 然後一條條麵削出嚟
就知道原來係真材實料🍜
佢個麵質係超級好食嗰隻 超級煙韌彈牙 勁有嚼口 猶其粗身啲嗰啲😍
味道就似餃子皮
雖然個麵超多 食咗大半已經少少飽 但係由於太好食 決定要食晒佢 因為出面好難搵到咁好食嘅麵！
-
味道非常之唔錯 有水準
環境ok 係唔知點解入到去有少少味 不過坐耐咗就慣咗
服務都可以 係衛生差少少 見廚房個師傅除咗個口罩一陣 可能因為太熱
價錢上好抵食 又大碗 又好食 又有飲品
係大埔隱世平民店👍🏻推介
Post
