Video
Read full review
2021-03-01
148 views
估唔到喺大埔都會搵到食物高質精緻、裝修又靚嘅法國菜，可以同男朋友嚟拍拖食下好嘢☺️自家製蟹餅炸得香脆，上面有一梳梳蟹肉同魚籽非常吸引，蟹餅入面好足料所以食落比較實，忌廉汁加咗洋蔥幾香，檸檬味可以更加出～法國蘇菲亞生蠔大隻又肥美，不過唔夠海水或者鮮甜味，唧檸檬汁之外要配埋蕃茄莎莎醬。南瓜忌廉湯上菜時微暖，口感香滑好creamy，蒜蓉包亦好香脆～蟹肉扁意粉非常惹味，除咗辣椒粒嘅微辣外仲有蒜片同羅勒嘅香味，味道均勻沾滿每條意粉，蟹肉份量多每啖都食到，另外仲有蘑菇片食落更豐富。慢煮黑毛豬鞍烤得好靚，調味同生熟程度都恰到好處，厚肉得嚟非常軟腍易切，配上焦糖蘋果片同蘋果蓉好夾，伴碟嘅係紫薯蓉夠晒特色，覺得多啲焦糖蘋果醬會更正！最後嘅甜品雖然配搭簡單但擺盤好有心思，雪糕係好少食到嘅開心果味，Macaron就好香雲呢拿杏仁味，食飽飲埋杯酒真係好滿足呢！
自家製蟹餅炸得香脆，上面有一梳梳蟹肉同魚籽非常吸引，蟹餅入面好足料所以食落比較實，忌廉汁加咗洋蔥幾香，檸檬味可以更加出～
法國蘇菲亞生蠔大隻又肥美，不過唔夠海水或者鮮甜味，唧檸檬汁之外要配埋蕃茄莎莎醬。
南瓜忌廉湯上菜時微暖，口感香滑好creamy，蒜蓉包亦好香脆～
蟹肉扁意粉非常惹味，除咗辣椒粒嘅微辣外仲有蒜片同羅勒嘅香味，味道均勻沾滿每條意粉，蟹肉份量多每啖都食到，另外仲有蘑菇片食落更豐富。
慢煮黑毛豬鞍烤得好靚，調味同生熟程度都恰到好處，厚肉得嚟非常軟腍易切，配上焦糖蘋果片同蘋果蓉好夾，伴碟嘅係紫薯蓉夠晒特色，覺得多啲焦糖蘋果醬會更正！
最後嘅甜品雖然配搭簡單但擺盤好有心思，雪糕係好少食到嘅開心果味，Macaron就好香雲呢拿杏仁味，食飽飲埋杯酒真係好滿足呢！
Post
