湖越

Open Now

Now Closed

今日嚟到大埔龍尾灘，去沙灘玩之前嚟呢度醫飽個肚，附近都有唔少嘅食肆。嗌咗個牛油果沙冰，龍眼茶，咖喱豬頸肉雞翼撈檬。 呢度個撈檬，有得揀汁，我揀咗咖喱汁黎撈，98蚊。 我第一次用咖喱汁嚟食撈檬，但佢唔係好杰身嗰啲，但係都好濃椰香味。少少甜甜地，唔太鹹嘅。個咖喱汁係好熱嘅，個麵就暖暖地。 有三隻雞翼，同埋好多片豬頸肉，個雞翼都炸得好脆，豬頸肉都係焗得好香。個牛油果沙冰好重牛奶味，冇乜冰渣。 我朋友話個龍眼茶都好好飲，好舒服。