Video
Read full review
2020-06-11
3083 views
尋日和同事做gym前想食得light 啲，搵到呢間黃店感覺好Chill仲好有文青風，叫做屋子空間。.佢係一間白色獨立小屋分三層，地下點餐有少量座位，2樓設有雅座，3樓就似乎係員工嘅空間，寫住staff only, 後來上網睇返原來有時3樓會用來做美甲工作坊😳雖然佢地方不大，其實有啲窄，上樓梯個人高啲應該都會撞到，但其實室內裝修精緻，簡潔以白色為主，配上木材同埋大玻璃，望出街道嘅樹木心曠神怡, 每個角落都充滿清新文清氣息，好似去咗台灣嘅Cafe咁呀，估唔到香港都有個咁寫意嘅地方。.佢入面全程都係自助，自己落去買嘢食，搵位坐，拎餐具，食完自己又收拾返，自由得來有幾自在😁.佢嘢食其實選擇唔多都係烏龍麵即係烏冬，小鬆餅同埋丼飯，價格中上，好似我叫一個烏龍麵加飲品套餐$82，以食環境來講尚可以接受。.我點左一個熱嘅山葵麻婆豆腐烏龍麵，烏冬滑溜有咬口，而且煙煙韌韌幾好食，佢嘅麻婆豆腐少少辣幾惹味，有少少肉碎幾重麵豉味，加埋Wasabi都幾攻鼻， 仲加埋溫泉蛋撈埋啲蔥成件事好夾😋😋都算滿足到我去做gym之前想食輕食好西嘅慾望👍飲埋杯四季春茶就滿足啦。如果唔係趕住去gym喺度Hea下, 望住玻璃出面嘅
.
佢係一間白色獨立小屋分三層，地下點餐有少量座位，2樓設有雅座，3樓就似乎係員工嘅空間，寫住staff only, 後來上網睇返原來有時3樓會用來做美甲工作坊😳雖然佢地方不大，其實有啲窄，上樓梯個人高啲應該都會撞到，但其實室內裝修精緻，簡潔以白色為主，配上木材同埋大玻璃，望出街道嘅樹木心曠神怡, 每個角落都充滿清新文清氣息，好似去咗台灣嘅Cafe咁呀，估唔到香港都有個咁寫意嘅地方。
.
佢入面全程都係自助，自己落去買嘢食，搵位坐，拎餐具，食完自己又收拾返，自由得來有幾自在😁
.
佢嘢食其實選擇唔多都係烏龍麵即係烏冬，小鬆餅同埋丼飯，價格中上，好似我叫一個烏龍麵加飲品套餐$82，以食環境來講尚可以接受。
.
我點左一個熱嘅山葵麻婆豆腐烏龍麵，烏冬滑溜有咬口，而且煙煙韌韌幾好食，佢嘅麻婆豆腐少少辣幾惹味，有少少肉碎幾重麵豉味，加埋Wasabi都幾攻鼻， 仲加埋溫泉蛋撈埋啲蔥成件事好夾😋😋都算滿足到我去做gym之前想食輕食好西嘅慾望👍飲埋杯四季春茶就滿足啦。如果唔係趕住去gym喺度Hea下, 望住玻璃出面嘅樹木都真係可以hea一個下午。
.
問返同事，佢哋個兩個冷烏冬都唔錯，嘢食OK環境又咁正，以後去大圍又多一個黃店chill點去Hea下啦😋😋
.
屋子空間 (大圍)
大圍大圍村9街12A
Post
