Oliver's Super Sandwiches (Closed)

唔講唔知，要擺個電子感應器上枱面上既貼紙先會響，之後店員先會送餐過黎。不過做左個小測試，就算唔擺上個貼紙都會響既，唔洗咁擔心。今日食豪d，一叫叫左個最貴既組合：意粉+湯+野飲，盛惠$81。我叫左黑松露牛肝菌篇意粉，對我黎講個份量真係唔係好夠。個松露味係強，但個意粉味道偏淡，要落好多芝士粉先夠味。個粟米湯我認為好好味，粟米蓉比較多、但忌廉相對比較少。飲落啖啖足料，由於忌廉較少，所以少一份油膩感。而檸檬水都幾得意，係打直切四份一個檸檬放入杯水。雖然望落比較美觀同新鮮，但係就好難「篤」，要喺杯水撈返塊檸檬上黎再擠返d汁落去先得。