Layback Cafe & Bar

Open Now

Now Closed

餐廳裝修環境設計令人坐得舒適，天花掛有大大個月亮燈，盡頭有榻榻米座位和巨型熊仔擺設，另一邊箱有酒吧枱凳供客人飲酒消遣。三文魚子櫻花蝦海膽櫻花素麵 $238上桌好吸睛，廚師好花心思擺碟砌成一棵櫻花樹喺右邊，而左邊係帶有微粉紅色素麵上還有新鮮海膽和鮮甜三文魚子，兩種海鮮配素麵很是匹配！原條龍蝦尾牛油果芒果漢堡 $268食物材料非常豐富，除左有龍蝦、芒果、牛油果、蕃茄、生菜之外，還有很多大大粒的魚子。龍蝦新鮮彈牙，魚子入口卜卜爆汁，口感好正，味道亦非常好！烤布里芝士配蜜糖堅果 $88最底層係厚厚一塊半熱溶嘅烤布里芝士，中間係紅莓子和堅果，頂面係一片橙乾片，好有層次感。開心果Dirty $78餐廳連飲品都好有心思，咖啡杯頂邊圍咗好多開心果碎粒和朱古力醬，飲香濃咖啡的時候會連開心果碎粒和朱古力醬同時送入口中。開心果牛奶 $62入口好有香濃的開心果味，飲奶時在底部亦飲到開心果碎粒，入口清涼。