金子半之助 (東薈城名店倉)

Open Now

Now Closed

聽說日本出名的天丼，今晚經過東涌金子半之助終於一試，食完都幾滿足。餐牌上選擇唔多，分別有「江戶前天丼」、「上天丼」和「天丼」得三款好快揀到唔駛用腦，揀左「江戶前天丼」貪佢夠大碗包羅萬有。江戶前天丼 $138賣相吸引相當邪惡，炸物天婦羅一大堆，包括穴子、海老、小柱魷魚、溫泉蛋、海苔、莢豌豆。炸星鰻穴子長得誇張有30公分長，炸粉唔厚外皮鬆脆，魚肉纖細無咩脂肪，食落無一般鰻魚咁油。海老新鮮彈牙，撈下半熟嘅流心蛋汁食好正。魷魚粒狀炸成一條，口感軟身彈牙唔駛點用力嚼。炸海苔幾似炸魚皮的口感脆卜卜。莢豌豆細條薄身炸得唔乾身。飯粒粒分明圓潤飽滿，撈秘製醬汁食都幾好味。大大碗有種食唔晒的感覺，好在碗底高身飯量不算太多，最終可以食到見底。食咁多炸物難免感油膩，而店內所提供的黑豆茶飲一口的確解到油膩，好過飲其他汽水免得太飽肚。