Mango Tree Café (Closed)

太古城自從重修過food count 後，亦未去食過，只知道變成一間間獨立舖。 星期六同媽媽happy Sat出去食飯，6pm左右求期食Pizza Hut啦，而且好耐未食過，但2人枱要等6張，相信有排等，於是向food count 行行，見到Mango tree cafe亦有pizza食，泰國風味，而且不用等位，於去試試。好彩「早到早享受，遲咗排隊排到發"牛斗"」因我們order完食物(約6:20pm)，出面已經大排長龍。因為一心想食pizza,於是詢問份量有多少？原來都有6件的，因擔心食完pizza無胃口食其他食物，所以放棄念頭。order了1個小食，2個麵。 冬蔭炸鷄亦好美味，加上青檸汁更嘢味。皮十分香脆，而且是單骨雞亦易入口。份量十足，差不多有10多件,必吃之選泰式大蝦炒粉絲，真心大大力推介。入口熱騰騰，雖然係炒但完成唔油膩，有雙重口味先清後濃，令人不禁想不停吃多幾啖。大蝦肉質肥美，加上豆芽爽脆，而且份量十足。