嘩鬼拉麵 和風料理 (Closed)

聽聞e間日本餐廳d野好抵食，而且個芝士湯拉麵就一定要試下咁，咁就專登過去試下啦，去到之後，門口幾張枱都坐晒人客，而我就入去入面啦，入面就好d，得兩枱人坐緊，咁店員就安排左我坐張二人枱，無所謂啦，我都係得一個人姐!坐低左之後就望下佢個餐牌先!餐牌款式非常非常之多，眼見都有成20個套餐，而我就選擇左套餐A,加3蚊跟新鮮帶子同埋炸餃子，另外飲品就選擇左白桃汁，而拉麵湯底就選擇左香濃芝士湯底。等左唔洗好耐，菜式都出晒啦！拉麵上枱果陣又真係好香芝士味，咁我就飲啖湯先啦，都幾好，唔錯，跟住就食舊帶子啦，正確黎講e舊係凡立貝，食落去果陣個心重係凍law,佢重未完全煮好，可能個師傅真係以為係新鮮帶子刺身....跟住到d麵啦，d麵煮到過左時，林晒，完全唔彈牙，感覺上e碗麵就真係唔專業。跟住到粉飯啦，炒飯都算係大碗，裏面都有d蝦粒，蟹柳，炒埋炒埋，而炸餃子都無問題嘅，炸得都好香口，最後我都係食唔晒，因為e個餐份量都好多，杯野飲就無咩特別啦，都係用d白桃糖漿開嘅飲品，都幾夠味道，而佢地服務都唔錯，都幾有禮貌，希望下次再黎會有改善啦！