來來小吃店

Open Now

Now Closed

呢間食店老闆係正宗台灣人，大部分食材都係台灣入口，仲要係自己親手做。我最愛係佢哋嘅手做大大粒芋圓，大大粒粉粿，仲有大大粒綿綿嘅芋頭。除咗芋圓仲有地瓜圓，綠茶圓，紫薯圓，大大粒之餘仲會食到有芋頭粒，並唔似出面其他舖頭嗰啲細細粒又無味嘅芋圓。粉粿質地QQ好似年糕咁，仲要日日有唔同味道揀，食過焙茶味係最好味，仲有綠茶紅豆味，朱古力味，黑糖味！佢哋嘅仙草係古早味，超正宗！每次都會食燒仙草，雖然係熱，但放一陣凍左就會由液體狀變咗啫喱狀。入面啲料仲有紅豆黑糖珍珠大大粒芋圓。飲品亦係手作，尤其係鳳梨茶，全部都係老闆自己炒。還會有啲季節限定嘅食品，例如冬天先有嘅花生綜合湯。