呂仔記 (Closed)

尋晚諗住去石澳睇流星雨，點知等到9點，眼見越來越厚雲，又開始肚餓，唯有敗興而歸，返出筲箕灣搵野食。本身諗住搵間正經餐廳食個晚飯，點知原來東大街last order 係9點半，又俾我地行行下見到呂仔記，門口已經好熱鬧，記得有港島區朋友提過去筲箕灣要食魚肉燒賣，咁應該係講呢間喇!我叫左碗兩溝(碗仔翅加魚肉)同埋燒賣，可惜魚旦已售罄。兩溝足料，但我都係比較鐘意生菜魚肉湯! 而燒賣，28蚊8粒，好似有d貴，但真係大大粒!濃郁魚味，朋友話有點腥，不過都係可接受範圍。可能太大粒既關係，食左兩粒已經覺得夠，唔想再食喇! 好彩我地3個人share 8粒，冇浪費。喜歡魚肉既朋友不妨一試。