甘永泰魚蛋 (Closed)

來長洲點可以唔食，長龍是必然的事，難得今日算少人，可能開始入夜，蝦丸都售罄，幸好還有指定想食的大粒魚蛋$10/2粒、豆卜魚肉$20（又加價了嗎？！），其實呢間既墨丸反而未食過，叫埋啦。大大粒魚蛋，果然必食，熱辣辣襯熱食，冇得輸既原因係夠大粒啖啖肉，有魚味得來口感仲好彈牙，每咬一下都好滿足。豆卜魚肉好似加價嗎？！不過點都要食，豆卜開邊向外反，釀入魚肉炸至香脆熟透，由於豆卜向外反，所以更脆身更有口感，釀魚肉份量剛好，不多不少咬落有點彈又增添肉感。反而墨丸唔太大興趣，下次可以唔食呢款，同一般墨丸差唔多，只係炸過，同埋唔算好熱。