嚐雪 (亨環‧天后)

Open Now

Now Closed

嚐雪 (天后)天后電氣道54號亨環天后地下Food Loft G9號舖-----天后新開嘅亨環聚集咗好多新餐廳，週末游完水之後過嚟買茶飲，順道再買咗兩粒糯米糍做下午茶，樓上2樓有啲座位可以坐，順便嘆吓冷氣，解熱一下。見到呢一間糯米糍幾多人排隊，口味款式眾多三心兩意底下就試咗最穩陣嘅$22芒果糯米糍，同埋見到幾多人叫嘅$30貓山王糯米糍。大大粒嘅芒果糯米糍，外皮香糯軟口，內裡嘅芒果清甜非常，而且皮夠薄，一口就爆芒果汁，正。用返同一個糯米糍外皮嘅貓山王，同樣都係軟糯綿綿，中間嘅內餡就好juicy，無咩渣，都唔錯，不過要我二選一，都係最鍾意芒果糯米糍。整體水準不錯，can encore