茶木‧台式休閒餐廳 (Closed)

入赤柱前先去茶木食番個靚lunch 先出發！ 我哋本身諗住兩個人叫兩個正餐再加個蠔餅 就剛剛好， 點知... 我哋叫咗個墨魚汁麵 蠔仔泡飯同蠔餅。 墨魚汁麵唔係用意大利粉而係台式手製麵， 算係fusion菜，幾好食嘅combination。 呢度嘅蠔仔泡飯好多料，有蝦米冬菇仲有其他配菜餚成湯先至煮。 鮮甜好食，但記得趁熱食，唔係嘅話就會好腥㗎喇！ 食到一半,個蠔餅登場... 我哋都好驚訝...大到呢！ 個人認為佢算係我係香港食過頭三好食嘅蠔餅。 做得夠鬆軟唔會太飽肚， 如果放耐d擎油擎得好啲會更好。 雖然蠔仔分量唔算太多但整體感覺味道良好。 最後飽到抱住個肚走呀：）