原汁原味

Open Now

Now Closed

灣仔食晏真係好多人，又要等位要迫又唔平，每次食晏諗到頭都大埋，咁啱有同事係灣仔住，佢推薦我哋一齊去試下食泡飯。呢間鋪頭主要係食中式小菜，清淡得嚟其實幾豪氣，佢主打都係海鮮類，例如龍躉蒸飯、帶子蒸飯、龍蝦泡飯咁...一入鋪頭，有唔少人都係叫呢個龍蝦泡飯，似乎真係招牌菜式嚟，大大隻龍蝦開邊鋪係泡飯上面。同事叫咗龍躉腩蒸飯，我就試呢個龍蝦泡飯。龍蝦肉質結實，算係幾厚肉，而且龍蝦頭有啲膏，都幾香甜，但係食既時候有啲麻煩，個湯匙好大，撩唔到啲肉出嚟，如果用細啲既匙羹上檯會方便啲。而湯底都幾清，煮到奶白色，用咗勝瓜配埋啲蔥花，入口好舒服，同埋湯都頗多，浸住啲飯同龍蝦。但飯量一般，如果多少少會更好，因為食既時候湯多過飯好多，令到每一羹都係湯多飯少。不過lunch 嚟講價錢唔算平，都接近一百蚊。