山東餃子館 (Closed)

見到呢間餃子口碑唔錯，特登走去試下，不過試完真係覺得冇乜特別，而且服務唔好。呢個係餐牌，普普通通，都係個啲菜式，價錢都正常。侍應全部都係嬸嬸，唔似香港人，所以都唔會點客氣，不過又唔係好冇禮貌嘅。餐廳檯凳望落就冇乜污糟，不過就好簡陋。呢個係貼係牆到嘅餐牌，價錢適中啦，款式都幾多。我揀左青素水餃同埋白灼番薯苗，本身以為白灼唔會落油，所以冇叫到走油，出到來就大獲，好多好多油浮係面，我真係見到都食唔落，但又費事叫佢地整過碟，始終係自己問題冇叫到走油，所以就叫佢地攞左個碗，我倒左啲水落去，洗下啲番薯苗先食。我好鍾意食辣，所以就加左佢地舖頭嘅豆瓣醬，味道正正常常。其實佢地啲餃子真係冇乜特別，素菜餃有菜，豆腐同粉絲，可以算係特別少少。但係佢地包餃子包得好差，有一半都散開左少少，而且餡料唔算好多。菜就好大碟嘅，不過真係好多油，所以幾抵食都食唔落。　總括黎講，我覺得真係好一般，唔值得特別去試，冇其他野食又係個附近都可以食下嘅。