湖越

Open Now

Now Closed

今日去大埔龍尾沙灘玩，玩左陣行左去大尾篤搵野食。見到哩間餐廳食越南野，老公想食牛肉河就入去餐廳有分露天同埋室內，當日天氣非常好而且仲有好靚嘅湖景，所以我哋就揀咗室外。打開餐牌我老公點咗一份生熟牛肉湯河， 我叫咗一份蝦湯豚肉檬粉， 再加一份小食拼盤。食物到來賣相ok👍, 味道亦有驚喜！ 老公話牛肉相當唔錯，生牛食落口嘅時候 夠滑夠爽，熟牛係牛𦟌， 牛味濃郁。我最欣賞嘅 就係我嗰碗又有蝦又有扎肉同埋豚肉 真係大滿足😋。上菜之前店員 話湯係冇味精，可以放心飲用。即刻試一啖飲下，果然與出面嘅餐廳嗰種味精湯完全不一樣，味道 足夠之餘並不會飲完好口乾個種 🤣叫左細size小食拼盤，份量好足夠，我最鍾意食咖哩角同蝦餅。另外，龍眼冰甜度剛好，椰子咖啡都好香。除了食物丶環境之外， 親切有禮嘅店員亦應記一功。 順便一題，餐廳地方闊落丶環境清幽 食嘢之餘你亦可以順道畀自己身心靈休息一下，誠意推薦大家去試。