鋿晶館

Open Now

Now Closed

國內朋友經常中港兩邊走，尤其是鄰近深圳羅湖嘅上水區，今晚朋友又過來相約到上水晚飯，講到上水真係朋友比我更熟悉，朋友介紹去上水滙的【鋿晶館】，時間6點半，朋友又話啱啱飲完下午茶，唔緊要，我係肚餓嘅。先來一盅沙參玉竹燉斑骨湯，清甜降火無添加。來一籠蒜香石斑片蒸飯，斑片新鮮上面鋪上金銀蒜，下面係炒飯底用荷葉包裹蒸煮，蒜香魚汁落晒炒飯中，鮮香味十足。啫啫通菜煲，有蝦乾、銀魚仔、魷魚乾、豬肉絲爆炒再上煲，通菜爽脆很惹味。鋿晶鋿飲，叫兩杯特飲，抹茶奇異果，椰汁紅豆冰，上面一粒公仔大冰係用飲品原汁冰制，唔會沖淡飲品。朋友話餐廳係自家品牌，點心即點即做，師傅經驗豐富，曾在米之蓮酒店及大型酒樓集團做主管，所以一定要介紹比我，朋友真係無介紹錯。