Video
Read full review
2018-08-07
396 views
最近去尖沙咀成日食韓野餐，諗住食下日本野，就搵左呢間日本餐廳，睇相見個裝橫唔錯，地點都算方便，又有得book，就決定一試。 點知，今次唔單止係一試，仲係一戰🙃老師教導要先揚後抑，所以，呢間餐廳的確個裝橫係唔錯，座位唔算迫，坐落係幾舒服。好，揚完，開始抑了，準備：1，2，3！1. 日本餐廳（特別係正宗嘅日本餐廳）個餐牌選擇較少，因為較專門，我明。但呢間野，一坐底七點半落單，想叫牛肉鍋 - 無； 咁蟹呢 - 無；咁燒牛舌呢 （個下真心充滿期待）- 無。 無錯，係係晚市早段時間，本身食品種類已經較專（或少）嘅呢間餐廳，已經係咩都無，香港人幾時咁開心星期五晚晚上七點半已經食完飯？🤔2. 咁之後我地係好有限嘅選擇下點左幾串串燒同個青酒煮硯。先講個青酒煮硯，我諗佢煮錯左個tonight’s special menu，其實應該係清湯煮硯🙃3. 再講d串燒，平心而論，味道還可以，雖然有幾隻雞翼黑黑地，但我百無禁忌，炭，照食。最重點係，侍應們當serve緊大排擋咁，將碟剛上台嘅串燒一野搭苦剛食完嘅吉碟上面，仲要運哂勁咁一野搭落黎，完全無諗過幫手收左台面上嘅吉碟再上菜，我諗而家大排檔叔叔姨姨都唔用呢招黎上
老師教導要先揚後抑，所以，呢間餐廳的確個裝橫係唔錯，座位唔算迫，坐落係幾舒服。
好，揚完，開始抑了，準備：1，2，3！
1. 日本餐廳（特別係正宗嘅日本餐廳）個餐牌選擇較少，因為較專門，我明。但呢間野，一坐底七點半落單，想叫牛肉鍋 - 無； 咁蟹呢 - 無；咁燒牛舌呢 （個下真心充滿期待）- 無。 無錯，係係晚市早段時間，本身食品種類已經較專（或少）嘅呢間餐廳，已經係咩都無，香港人幾時咁開心星期五晚晚上七點半已經食完飯？🤔
2. 咁之後我地係好有限嘅選擇下點左幾串串燒同個青酒煮硯。先講個青酒煮硯，我諗佢煮錯左個tonight’s special menu，其實應該係清湯煮硯🙃
3. 再講d串燒，平心而論，味道還可以，雖然有幾隻雞翼黑黑地，但我百無禁忌，炭，照食。最重點係，侍應們當serve緊大排擋咁，將碟剛上台嘅串燒一野搭苦剛食完嘅吉碟上面，仲要運哂勁咁一野搭落黎，完全無諗過幫手收左台面上嘅吉碟再上菜，我諗而家大排檔叔叔姨姨都唔用呢招黎上菜？🤔
4. 再黎到野食，同朋友們一共叫左3杯凍麥茶。我唔知麥茶到底要如何特別調製，前黎催左3次，等左35分鐘先到。食落，呀同係超市膠裝個隻一樣味道，點解要咁耐，係個迷。
5. 最後，點單好似永遠只係得個一個侍應可以落，共餘個4個人係叫勁都會叫個個指定嘅人黎落，結果單係落單就等左20分鐘🙃
結論係如果大家想試下如何食有古式大排擋風味嘅限量菜式日本餐，推介一試！
Post