Video
Read full review
2023-09-12
13 views
尖沙咀站b2出口，沿住金馬倫道直行去到 The Cameron轉左上電梯，好快就見到一間左手邊有水池瀑布、門面好靚既日式餐廳。內裏環境都好有地道日本居酒屋風味，好正嘅環境，真係要有一秒去到日本嘅感覺！我地預先訂咗位，估唔到係reserved左既枱面上，仲有個牌寫咗我地既名，五星級酒店嘅服務，估唔到呢度都有。黎到呢度一定一定一定要試佢嘅串燒！係即席既炭火生燒。不過千祈唔使擔心會大煙或者大味，餐廳既裝修超細心，炭燒嘅位置，係好似玻璃房咁，有玻璃圍住，令到客人可以欣賞到店員細心處理嘅炭爐燒烤，而又唔會畀啲煙攻到。西瓜冰沙$38好飲！西瓜香甜味濃，仲有加咗少少檸檬嘅清新， 一路飲住嘢，一路啲串燒慢慢燒出嚟上枱。炭燒越南海蝦$88炭火燒出嚟嘅果然唔同！嗰種炭燒香氣絕對無可替代，蝦好新鮮大隻彈牙！炭燒墨魚仔$88/份好新鮮！一咬仲會爆墨汁，勁香！酩酊玉子燒$98100分既玉子燒！唔好睇少呢度，呢個可能係我食過最好食嘅玉子燒！真係要試！好香軟嫩滑！燒得好正！配明太子沙律醬，調味都做足100分😋燒花魚一夜干grilled Hokke $188魚好入味，燒得啱啱好，唔會太乾，配搭柚子豉油，味道prefe
沿住金馬倫道直行去到 The Cameron轉左上電梯，
好快就見到一間左手邊有水池瀑布、門面好靚既日式餐廳。
內裏環境都好有地道日本居酒屋風味，
好正嘅環境，真係要有一秒去到日本嘅感覺！
我地預先訂咗位，
估唔到係reserved左既枱面上，
仲有個牌寫咗我地既名，
五星級酒店嘅服務，估唔到呢度都有。
黎到呢度一定一定一定要試佢嘅串燒！
係即席既炭火生燒。
不過千祈唔使擔心會大煙或者大味，
餐廳既裝修超細心，
炭燒嘅位置，係好似玻璃房咁，有玻璃圍住，
令到客人可以欣賞到店員細心處理嘅炭爐燒烤，
而又唔會畀啲煙攻到。
西瓜冰沙$38
好飲！西瓜香甜味濃，仲有加咗少少檸檬嘅清新， 一路飲住嘢，一路啲串燒慢慢燒出嚟上枱。
炭燒越南海蝦$88
炭火燒出嚟嘅果然唔同！
嗰種炭燒香氣絕對無可替代，
蝦好新鮮大隻彈牙！
炭燒墨魚仔$88/份
好新鮮！一咬仲會爆墨汁，勁香！
酩酊玉子燒$98
100分既玉子燒！
唔好睇少呢度，呢個可能係我食過最好食嘅玉子燒！真係要試！
好香軟嫩滑！燒得好正！
配明太子沙律醬，調味都做足100分😋
燒花魚一夜干grilled Hokke $188
魚好入味，
燒得啱啱好，唔會太乾，
配搭柚子豉油，味道prefect fit!
另外真係不得不大力推介呢度嘅串燒燒鳥!!
日式燒鳥即是以雞全身不同部位來串燒，
普通嘅雞翼、手羽中、雞軟骨、雞腎、雞子，
呢度當然有， 水準亦高！
汁燒雞肝($43) 好好味而且燒得唔會好似其他地方咁粉咁散。
月見免治雞肉棒($60) 其他地方好多都有，不過呢度係真係真心好食過其他地方好多！
最與別不同係呢度仲有提供好多特別部位既選擇，例如雞尾($43)， 即係雞pat pat。由於呢個部位脂腺分泌豐富，所以口感會油膩軟綿一d, 而且帶有獨特味道。
最特別既係"提燈"!!
我真係第一次食。
串住有個黃澄澄既波咁，真係好似燈籠咁， 但究竟係咩嚟㗎呢？
原來是母雞的輸卵管、卵巢及未成熟未有殼的雞蛋黃，
鼓起勇氣去食，
成個"燈"味道口感的確有啲似未熟蛋黃，類似平時大約8成熟既蛋黃吧，
無流心， 杰杰稠稠咁，但又熟唔曬嘅蛋黃感覺。
其他地方真係冇見過，
好特別嘅體驗！
推介大家嚟試下呢度嘅串燒燒鳥！
全方位享受雞嘅串燒
Post
