叠記咖喱麵食

Open Now

Now Closed

最近有間澳門77年老字號登陸香港，依家已經做到第三代，主打咖喱牛腩同橡筋麵。我哋分別要咗兩碗麵、小食同飲品開心分享。麵條選擇好多，要咗招牌嘅橡筋粗同撈出前一丁。前者真係好似食緊條橡筋咁，咬落煙韌爽口，好搞笑、個人更喜歡後者，軟熟度適中，若醬汁再多少少會更惹味。配料每個+$12，要咗豉汁牛腩、南乳豬手、炸豬扒、豬軟骨、牛肉、瑞士汁雞翼同豬頸肉。我最鍾意牛腩、豬扒同豬頸肉，完全唔嚡，肥瘦適中，而且都幾入味，值得一試。小食方面有澳門豬扒包同咖喱魚蛋，豬扒包真係必點，即叫即製新鮮熱辣辣，建議一上枱就食啦否則會影響口感，豬扒炸至酥脆可口，包皮脆，內裏軟，塗滿牛油，好肥好好味。