慶記 (Closed)

唔記得睇過邊個既食評 bookmark左呢間餐廳 大角咀多好野食大家都知 但係除左揾食 都無咩機會會入黎 今日就趁假期 試一試佢啦一聽嗰名慶記 以為會係懷舊小店 得啲摺枱 所以露過左幾次都唔知 原來餐廳好大 環境好舒服而且用QR code落單 顛覆晒我既諗法試左幾樣食物 最推介係佢啲小食類口水醉雞卷- 我鍾情口水雞 但係唔鍾意有骨既雞 呢個就啱晒我 口水汁辣味幾出但係又唔會搶左酒味 最緊要係啖啖肉 加啲芫茜係面 賣相一流XO醬小籠包- 兩個看似平平無奇既小籠包 超有驚喜 首先皮薄 夾住小籠包個頭已經可以成個拎起咬落去 肉汁滿滿 XO醬味道都好突出 好味道生煎包- 即叫即煎所以要等耐啲 能夠做到底脆 包唔會乾晒身 都係肉汁滿滿另外仲有個湯麵 不過無特別 甚至有啲淡 我地將啲麵拌落口水汁度 哈哈 正呀