海皇粥店 (東港城) (Closed)

平日朝早一早睇完醫生，想清清地食返碗粥，咁岩東港城附近粥店唔多，就行左入海皇粥店。 大滿粥早餐其實平時返工已經食開，黎到坑口驚覺呢間分店只售$24至$33，比港島區平少少，原來售價會跟據區域調整。 除左粥之外，仲可以揀麵、炒米、蒸蘿蔔糕、齋腸或蝦米腸。我揀左皮蛋瘦肉粥配蝦米腸 ($33)，堂食比外賣感覺上多左。皮蛋瘦肉粥熱辣辣又足料，但唔知點解我呢碗冇落到油炸鬼，搞到全程都心思思想問阿姐補返，最後見佢咁忙都冇出聲，有少少遺憾。蝦米腸滑嘟嘟又香，可以隨意落台面既醬料，食完真係大滿足。