Wagyu Ya (Closed)

放假當然食好d, 今晚約朋友嚟左E間專食和牛嘅餐廳食飯, 餐廳分左bar枱同普通座位, 店員安排左車車坐係卡位嘅位置, 空間幾大坐得幾舒服🌟和牛沙律沙律菜清新爽脆, 上面放上和牛, 和牛油脂豐腴, 口感軟腍, 配搭芝麻醬非常開胃🌟和牛紫蘇天婦羅最近突然好中意紫蘇花, 除左刺身, 估唔到和牛同紫蘇嘅味道都幾夾, 天婦羅炸起熱辣辣, 外脆內軟, 帶紫蘇獨特嘅香氣, 味道不錯🌟和牛鵝肝三文治足料足量超豪華嘅三文治, 外層包皮香脆, 食落滿滿嘅脂香, 口感豐富, 和牛同鵝肝嘅油份滲入麵包食落幾好味, 之後食埋漬蕃茄清一清口腔又可以開始食今晚嘅重頭戲🌟和牛拼盤成餐飯嘅重點就係燒！牛！肉！和牛拼盤有薄燒／牛舌／西冷／肉眼／牛三角, 款款都肉味濃郁, 各有唔同程度嘅脂香同口感, 車車最愛薄燒, 燒完即刻沾上蛋汁, 啖啖油香, 肉質柔嫩, 滿滿嘅幸福感🌟和牛櫻花蝦舞茸釜飯飯粒飽滿煙韌, 和牛, 舞茸同櫻花蝦嘅香氣滿溢, 充滿鮮香且口感豐富🌟麵豉湯🌟甜品甜品揀左芝麻雪糕+日本蜜瓜, 蜜瓜香甜多汁超好味