鹵八鵝店

Open Now

Now Closed

今次係同大少第二次來食鵝肉飯，上一次已經係2019年9月中秋節食做節飯。今日我哋好肚餓，大家都唔知食乜之際，就諗起食滷水鵝肉飯。同平時一樣，大少淨係食鵝肉飯，我就食雙拼鵝肉拼鵝腸飯。本來加多$6，就有個鹹菜豬肚湯，但係天氣真係好熱，我哋今次冇要例湯。鵝肉唔係太多骨，都有啲肉食，d鵝腸洗得好乾淨，清晒啲肥膏，好爽脆，滷水味都唔係太鹹，加埋少少滷水汁送飯，味道一流。每次來，我都話要食其他嘅滷水系列，下次真係要試吓佢嘅滷水鵝肝，同埋滷墨魚。兩個人埋單都係$99，仲食到好飽，平靚正，簡直係大滿足。