Video
Read full review
2019-06-30
55 views
今日屋企人話想去食扒，噉當然要搵一間靚仔嘅餐廳孝敬一下啦，喺我張wish list入邊其中一間就係位於元朗區嘅西餐廳，雖然偏僻左些少，但係為咗搵食嘅我哋就點都會去嘅。星期日嘅下午嚟到呢間餐廳，都幾多人嚟嘎喔。由於屋企人想鋸扒，所以今次我哋揀咗兩個扒餐。同時間因爲餐廳話西冷賣曬，所以就加十蚊轉咗做肉眼牛扒。餐湯係周打魚湯。湯入邊都有啲蘿蔔絲同埋魚絲，飲落嘅口感相對杰些少。豬肉眼扒配燒菠蘿雜菜沙律。豬扒相當厚肉，肉汁豐富鮮嫩，質素相當之唔錯，睇得出塊豬扒嘅來貨都唔錯。燒菠蘿就有種煙熏味，暖暖地，食落開胃。旁邊嘅沙律就撈咗啲芝麻醬，亦都係我杯茶啦。肉眼扒配黑松露薯條及沙律。大家見到圖片，牛扒相當之大件，我哋叫咗七成熟，火候控制得唔錯，切出嚟都仲係紅紅地色冇血水嘅。牛扒咬落去亦都有肉汁，而且先得燶燶地十分惹味，部分位置嘅牛扒更加係非常之淋身，入口即溶。薯條更加落咗啲黑松露落去，味道都幾出，非常唔錯。泰式奶茶。呢杯係加錢嘅特飲，亦都有好大嚿cream喺奶茶上面。飲落去係糖味較重偏甜。是日蛋糕 Tiramisu今次我哋都加左個是日蛋糕，由於佢哋話係handmade，所以就試下啦。本身我諗住跟餐嘅蛋
今日屋企人話想去食扒，噉當然要搵一間靚仔嘅餐廳孝敬一下啦，喺我張wish list入邊其中一間就係位於元朗區嘅西餐廳，雖然偏僻左些少，但係為咗搵食嘅我哋就點都會去嘅。
星期日嘅下午嚟到呢間餐廳，都幾多人嚟嘎喔。由於屋企人想鋸扒，所以今次我哋揀咗兩個扒餐。同時間因爲餐廳話西冷賣曬，所以就加十蚊轉咗做肉眼牛扒。
餐湯係周打魚湯。湯入邊都有啲蘿蔔絲同埋魚絲，飲落嘅口感相對杰些少。
豬肉眼扒配燒菠蘿雜菜沙律。
豬扒相當厚肉，肉汁豐富鮮嫩，質素相當之唔錯，睇得出塊豬扒嘅來貨都唔錯。燒菠蘿就有種煙熏味，暖暖地，食落開胃。旁邊嘅沙律就撈咗啲芝麻醬，亦都係我杯茶啦。
肉眼扒配黑松露薯條及沙律。
大家見到圖片，牛扒相當之大件，我哋叫咗七成熟，火候控制得唔錯，切出嚟都仲係紅紅地色冇血水嘅。牛扒咬落去亦都有肉汁，而且先得燶燶地十分惹味，部分位置嘅牛扒更加係非常之淋身，入口即溶。薯條更加落咗啲黑松露落去，味道都幾出，非常唔錯。
泰式奶茶。
呢杯係加錢嘅特飲，亦都有好大嚿cream喺奶茶上面。飲落去係糖味較重偏甜。
是日蛋糕 Tiramisu
今次我哋都加左個是日蛋糕，由於佢哋話係handmade，所以就試下啦。本身我諗住跟餐嘅蛋糕都係細細件。點知一上臺嘅時候真係有驚喜。蛋糕嘅分量非常之大，足夠兩個人share。Tiramisu海綿蛋糕嘅分量很少，反而芝士mousse嘅分量就非常多，我係非常欣賞這種做法嘅。蛋糕伴碟有焦糖醬，紅莓醬同忌廉等等，賣相靚仔之餘亦都有唔同嘅調味俾大家。十分推薦這件飯後甜品。
Post
