雲南啊老表黑山羊湯鍋米綫 (Moved) New Location

出左佐敦做FACIAL, 做完落了妝紅印滿瞼又要醫肚,只好急急腳買回家食好了。行過見到好多街坊幫襯, 價錢都好抵食,  打電話問阿媽洗唔洗買佢份,咁我就買碗豬骨湯鍋豬展米線比自己啦, 再加小食2個人SHARE好了。餐單上食物比較局限, 米線分左大細SIZE, 媽媽就要左大牛腩先42蚊。拎返屋企打開見到, 心想洗唔洗咁大碗呀? 唔怪之得抽住外賣咁重啦, 我以為係湯重, 其實入面米線份量都好多。米線煮到熟透好滑, 個豬骨湯都好清, 加埋酸菜就係簡單又好味。豬展每片都幾厚身同多肉架，連皮有彈形有骨膠原, 夾了阿媽D牛腩交換食, 肉又煮得好腍身, 牛肉味都幾出。口水雞同拍青瓜好香口, 辣辣地沉在米線中當做加料。口水雞雞皮彈雞肉又結實, 個辣醬先係滋味所在, 麻味停係舌尖越食就越起勁。拍青瓜爽口開胃有陣豉油香, 係鹹鹹地, 食下小食配在米線一起, 我竟然將接近兩人份架大碗米線食曬。食左咁多野阿媽問用了幾錢, 我話百來元乍, 平日精明慳家架佢都話抵, 話下次出開去買一碗大兩人分加小食就夠啦。