群記爽腩店 (Closed)

其實早半年前當灣仔群記新開張時，小肥已經同公司經理排隊食過碗免費牛腩牛丸河，記得當時感覺都好正面。上星期再次光臨，店舖門面及室內環境衛生冇乜大改動，不過冷氣明顯比剛開業勁。樓面伙計多咗，而且較初期熟練，繁忙時間雖然滿座，但效率頗高，完全唔會浪費時間，落單需時僅為九秒九 ，麵食三分鐘內送到，餐具全於餐桌上搵到。小肥叫咗碗「崩沙腩湯米」。湯米不單個碗大，米粉同崩沙腩o既份量都同樣十足，27蚊碗絕對抵食 ！熱辣辣o既米粉唔會過腍，湯底濃郁得黎又唔油膩，芽菜爽脆，但問題係崩沙腩有少少韌，所以扣咗一分。雖然因健康理由而家少食咗澱粉質，但為咗要支持良心食肆 ，XO仔決定每個月最少黎幫襯一次！