麵皇自家麵

Open Now

Now Closed

發現新開左間麵皇，睇落唔差，又係時候試新野，今次又係食完又食，2次夾埋一齊寫食評。第一次食要左滑雞金菇，寬麵（最粗嗰款），麻辣湯底滑雞的確幾嫩，麻辣湯底唔錯寬麵都好咬感，但一條條直紋，感覺係用機器造出來咁整齊，不過都好味就係。第2日再去食多次，原本要豬軟骨，不過等左陣先被告知賣晒，要重新點餐，唯有再食過雞肉，但其他就揀生菜，中麵，酸辣湯底，中麵比寬麵軟身一啲，會更易入口，酸辣味道都唔差，紅卜卜但又唔覺太辣。備註始終旺區舖租貴，座位都幾逼下，最好唔係繁忙時段食會好啲。