雲南啊老表黑山羊湯鍋米綫 (Moved) New Location

咸香湯底米線在佐敦區想食個清淡嘅lunch,與同事路過依間唔起眼嘅餐廳，見佢以羊肉為招牌，而且係食米線，就入咗去坐低。店內人唔算好多，因為怕腥味所以我選擇番自己慣性食嘅餸，豬頸肉米線同行友人選了羊肉米線。米線湯底咸香，有獨有的香料味，但豬頸肉冇咩味，而且冇煎香，肉質又唔肥美，的確好清淡嘅一餐。另外，叫了土匪雞翼作為小食，香口好味，不過有點普通。雞翼皮有黑椒及煎香過，但肉質不算特別嫩滑。試了朋友一舊羊肉，肉質與牛肉相近，但不特別好食。食完碗米線後會好口渴，我特地走出店門後買咗大杯嘅台式飲品。未食出店內招牌有幾引人入勝，有機會的話再去試試，店內牛肉也是招牌之一。