Video
Read full review
2021-02-22
449 views
一直好鍾意食海南雞飯，屋企附近新開咗間幸福海南雞，趁住放假同老公去試下。二人餐($192)超豐富，有海南雞半隻+主食（豬頸肉/肉餅／元蹄/肉骨茶）+今日青菜+兩杯飲品+南瓜湯+油飯！海南雞半隻出面好多餐廳話就話半隻，但成日都係得幾件，但呢度真材實料，滿滿一大碟！雞肉全部去晒骨，肉質嫩滑，連雞皮都又薄又爽，油潤肥美，配上三色醬，非常惹味。我最鍾意辣醬，辣度剛好，薑茸亦夠香！油飯毫不馬虎，香軟油潤，性價比極高，呢個價錢絕對會encore！豬頸肉豬頸肉同樣值得一試，外皮烤得超脆，肉質又唔乾，食落充滿炭香，強烈推薦！南瓜湯飲得出冇落味精，味道天然香甜，有住家感覺！我哋將其中一碗湯轉咗做肉骨茶（+$25）試下，肉骨茶一樣足料，啖啖藥材香，味道濃稠！亦係誠意之作！套餐仲包兩杯飲品，可以喺餐牌上任揀，我杯熱情果四季春果茶調味剛好，既有果香，又不失茶嘅香濃。老公杯幸福鮮奶茶就比較泰式，奶味較濃，反而茶味就唔算突出，我自己就覺得甜咗少少。最後仲有大大碟青菜，非常滿足！整體食物質素好高，服務又好，要支持多D小店呀！
二人餐($192)超豐富，有海南雞半隻+主食（豬頸肉/肉餅／元蹄/肉骨茶）+今日青菜+兩杯飲品+南瓜湯+油飯！
海南雞半隻
出面好多餐廳話就話半隻，但成日都係得幾件，但呢度真材實料，滿滿一大碟！雞肉全部去晒骨，肉質嫩滑，連雞皮都又薄又爽，油潤肥美，配上三色醬，非常惹味。我最鍾意辣醬，辣度剛好，薑茸亦夠香！油飯毫不馬虎，香軟油潤，性價比極高，呢個價錢絕對會encore！
豬頸肉
豬頸肉同樣值得一試，外皮烤得超脆，肉質又唔乾，食落充滿炭香，強烈推薦！
南瓜湯飲得出冇落味精，味道天然香甜，有住家感覺！
我哋將其中一碗湯轉咗做肉骨茶（+$25）試下，肉骨茶一樣足料，啖啖藥材香，味道濃稠！亦係誠意之作！
套餐仲包兩杯飲品，可以喺餐牌上任揀，我杯熱情果四季春果茶調味剛好，既有果香，又不失茶嘅香濃。老公杯幸福鮮奶茶就比較泰式，奶味較濃，反而茶味就唔算突出，我自己就覺得甜咗少少。
最後仲有大大碟青菜，非常滿足！
整體食物質素好高，服務又好，要支持多D小店呀！
Post
