Video
Read full review
2021-10-10
330 views
放假諗住上網搵間Cafe Hea下，順便放鬆下心情。咁啱就見到呢間位於大角咀嘅浮生，咁就啱晒，一於揸車出去偷得浮生半日閒。 一去到舖頭唔算好大，但呢種小店正正有種令人放鬆嘅魔力。幾位年青人服務態度非常之好，而透明嘅Manu亦充滿左玩味。- 雞扒定食雞扒一啲雪味都冇，而且個照燒汁亦唔會太甜，非常好味道。小食揀左糖心蛋同凍豆腐，豆腐滑到不得了，一舊真係唔係好夠，糖心蛋亦都啱啱好，唔會過熟。100分- Hojicha Roll Cake食到一半發現原來佢地有個餅櫃，仲有我最鍾意嘅焙茶卷蛋，咁一定要嗌黎試下。食落超濃嘅焙茶味，而且中間嘅Cream亦非常之滑。食完定食加埋呢個甜品簡直一流。-Oat Milk Latte咖啡一飲有好正嘅Nutty味，本人對鮮奶敏感，好彩呢到亦都有提供燕麥奶，Latte算係合格之上。整體黎講，呢間浮生都不枉我特登揸車過黎一試，而且從食物到服務都感受得到幾位年青人嘅熱誠，下次再有機會都會再黎偷得浮生
一去到舖頭唔算好大，但呢種小店正正有種令人放鬆嘅魔力。幾位年青人服務態度非常之好，而透明嘅Manu亦充滿左玩味。
- 雞扒定食
雞扒一啲雪味都冇，而且個照燒汁亦唔會太甜，非常好味道。小食揀左糖心蛋同凍豆腐，豆腐滑到不得了，一舊真係唔係好夠，糖心蛋亦都啱啱好，唔會過熟。100分
- Hojicha Roll Cake
食到一半發現原來佢地有個餅櫃，仲有我最鍾意嘅焙茶卷蛋，咁一定要嗌黎試下。食落超濃嘅焙茶味，而且中間嘅Cream亦非常之滑。食完定食加埋呢個甜品簡直一流。
-Oat Milk Latte
咖啡一飲有好正嘅Nutty味，本人對鮮奶敏感，好彩呢到亦都有提供燕麥奶，Latte算係合格之上。
整體黎講，呢間浮生都不枉我特登揸車過黎一試，而且從食物到服務都感受得到幾位年青人嘅熱誠，下次再有機會都會再黎偷得浮生
Post
