印度薄餅皇

Open Now

Now Closed

超開心，今日試左超好味大角嘴印度薄餅皇，老老實實印度餐廳真係試過好多，裝修華麗大型餐廳也吃不少，竟然比我係大角嘴搵到一間便靚正的印度餐廳，真是開心極了。未入餐廳已經聞到濃濃的印度咖喱香，餐廳骨緻，搵位坐低就拿拿臨叫野食。首先來個二人套餐，頭盤咖喱角，大大件咖喱角沾上綠色菜汁同醬汁，外脆內香，十分過癮。主菜印度香料雞咖喱同印度黃飯，這個印度咖喱做得十分正宗，已經值得一試，好多時餐廳的咖喱雞都係好鞋的，估唔到佢既雞超級滑溜，真係唔可以睇小。這個餐還包兩杯飲品，都係$238。十分抵食，我們就加錢轉作lassi 同mango lassi, 兩杯都好好飲，夠曬印度風味。另外我再點了一個印度香草乾咖喱羊肉，和一份羊肉薄餅，我自己本身就好鍾意食羊，這個香草乾做的咖喱羊肉，十分入味，送飯或者撈薄餅吃，認真一流，食得我好驚喜。羊肉薄餅的餡更是看得出廚師落重手，夠多肉多餡，真係好好食，住大角嘴的居民今次有福了。