Video
Read full review
2009-01-04
38 views
4-1-2009人在銅記, 想平食上海0野, 拉了朋友0黎試試. 前一晚睇了呢度食評好似不錯, 點知離開時, 大跌眼鏡!- 先0黎杯凍豆漿, 味道現成得很, 不過豆味 ok 而且甜度適宜, 解渴不錯啦.- 肴肉: 好瘦, 完全無骨膠原0者喱, 食落好鹹好鹹, 唔係好得; 鎮江醋酸酸的, 一般香, 印象一般.- 蔥油拌麵: 尋日0係屋企附近食了一碗 not the best 但都不錯的 (詳見 http://www.openrice.com/restaurant/commentdetail.htm?commentid=1963366), 不過呢度的就真係... 醬汁稀稀的, 水浸咁多, 味道同過鹹版「粗炒」汁一樣, 唔得; 麵條腍 bad bad 的, 似足「煨麵」, 比醬汁更唔掂; 蔥後就太生太青, 明顯無炸過吧. 幾難吃的一碗所謂蔥油拌麵, 絕不推介!- 蒸銀絲卷: 又一「扮」的, 唉 -_-" 不過呢碌長形饅頭亦唔好食, 雖然夠熱, 但唔鬆唔軟, 唔知翻蒸0左幾多次?- 小籠包: 一睇賣相已知唔對路, 層皮厚得同鍋貼無異, 頂部就當然更嚴重, d 粉多得不能接受!
人在銅記, 想平食上海0野, 拉了朋友0黎試試. 前一晚睇了呢度食評好似不錯, 點知離開時, 大跌眼鏡!
- 先0黎杯凍豆漿, 味道現成得很, 不過豆味 ok 而且甜度適宜, 解渴不錯啦.
- 肴肉: 好瘦, 完全無骨膠原0者喱, 食落好鹹好鹹, 唔係好得; 鎮江醋酸酸的, 一般香, 印象一般.
- 蔥油拌麵: 尋日0係屋企附近食了一碗 not the best 但都不錯的 (詳見 http://www.openrice.com/restaurant/commentdetail.htm?commentid=1963366), 不過呢度的就真係... 醬汁稀稀的, 水浸咁多, 味道同過鹹版「粗炒」汁一樣, 唔得; 麵條腍 bad bad 的, 似足「煨麵」, 比醬汁更唔掂; 蔥後就太生太青, 明顯無炸過吧. 幾難吃的一碗所謂蔥油拌麵, 絕不推介!
- 蒸銀絲卷: 又一「扮」的, 唉 -_-" 不過呢碌長形饅頭亦唔好食, 雖然夠熱, 但唔鬆唔軟, 唔知翻蒸0左幾多次?
- 小籠包: 一睇賣相已知唔對路, 層皮厚得同鍋貼無異, 頂部就當然更嚴重, d 粉多得不能接受! 餡料算幾鮮, 不過湯汁近乎零, 食到「媽媽聲」! 好失敗的一客小籠包, 絕對係拆招牌之作!
食物唔掂, 環境就比想像中好得多, 初初以為地 mou 店衛生麻麻, 但 turned out 又幾乾淨光猛; 招呼亦 ok, 阿姐們禮貌不錯.
埋單每人約 $65, 唔貴, 但實在食到嘴都歪埋, 唔會再0黎了. 唉, 早知返返渣甸街食粢飯算數啦!
Post
