星‧68 (Closed)

又到食大閘蟹季節，中環「星‧68」$405大閘蟹餐 (2位)，另加一服務費及茶芥以原價計算，嚴選「黃毛金爪」高質靚蟹，隻隻鮮活多膏，性價比高，大閘蟹公約重5両，大閘蟹乸約重3両半，品嚐到2皇1后、共3隻大閘蟹。首先先上「雪燕竹笙羹」， 一人一盅湯， 熱辣辣湯料足，清甜又滋潤。再來「 蟹粉小籠包」一人一粒，蟹粉味濃，入口湯汁爆滿，超正。主角出場！大閘蟹會分3輪送上，先出公，跟住出后，最後再出公。大閘蟹(公)肉質結實，勁爆膏，膏帶膠質，入口甘香味甜， 回味無窮。大閘蟹(后)肉質比較滑， 膏多超香，有回甘的香甜， 齒頰留香。兩款大閘蟹都超新鮮，每款都各有特色，配返杯薑茶，仲無限任添， 非常驅寒。「原隻鮑魚蝦仁」這道菜味帶鮮香清爽， 配菜有翠玉瓜及雙色椒，夠香口。「上湯薑絲灼菜遠」菜很翠綠又新鮮， 以上湯加薑絲煮法，合適剛吃完大閘蟹後平衡下罪惡感，而且夠健康。「家嫂糯米飯」 荷葉蒸糯米飯已經夠香，再加埋臘味及臘腸粒，十分惹味。「紅棗糕」煙煙韌韌，有紅棗香，不太甜 夠養身。套餐還可任飲陳年彫皇，可惜我與朋友不大會飲酒，所以選擇了他們聯成合作「丸。茶手作」的台式飲品， 奶蓋芝士綠茶及奶蓋芝士極品鐵