道頓堀御好燒專門店 (希慎廣場) (Closed)

晏晝食飯去希慎睇吓有咩好食見到呢一間其實喺旺角都有不過就未試過咁既然今日有位就入去試吓。個餐牌好特別因為$98可以午餐任食，都未試過有啲咁嘅放題，咁所以就試吓啦，選擇唔係特別多都係嗰啲大阪燒啊拉麵燒啊總之都係一碟野炒埋一堆。其實最特別嘅就係真係要好自助，因為全部野佢都係材料就咁俾你，咁你要去自己發揮下自己啲廚藝啦。佢有個餐牌係你可以用個QR code你去睇吓啲影片點樣去煮嗰啲大阪燒同埋炒麵。總結來講個味道係你自己調教出嚟嘅好唔好味就好睇你個廚藝啦我覺得個性價比幾高嘅因為比$100你可以玩兩粒鐘，裝修我會比滿分因為真係好似去咗日本嗰種感覺未試過可以試吓。