Video
Read full review
2020-11-06
805 views
我們係九龍人, 好少特登過海食飯, 但係港島太平洋酒店<中西‧環>餐廳的自助晚餐已經係第3次幫襯.第一次係2019年9月中的「大馬滋味台灣風」自助晚餐, 當時正值家人生日, 訂枱時還可要求送上一個免費忌廉蛋糕.這一餐的亮點係台式牛肉面, 真係做到半筋半肉, 另外苦瓜燉湯很清鮮解膩, 相反大馬菜式則是一般.第二次幫襯係今年的1月的"飛『粵』夢『功』場"自助晚餐, 時值年初五, 香港的疲情剛開始, 當時草木皆兵, 因此自助晚餐的顧客也很少, 只有3成人,但當時餐廳的防疫安排很好, 每一枱的兩旁都會有一張吉枱隔開.這一餐的亮點係豉汁蟠龍鱔及每人一客的鮑魚酥.輪到今次的「潮茶菜館」自助晚餐, 主打的是我很喜歡吃的潮州滷水,要知道平時無論晚飯或宵夜去食潮州打冷都係唔平呀,所以今次呢個自助晚餐主題好啱我.睇見呢個潮州滷水明檔真係超吸引又超多款式.呢一餐的亮點絕對係滷水鵝, 無論鵝肉、鵝掌、鵝頭、鵝頸、鵝翼都好好食, 大墨魚則切得太薄, 咬落去口感唔係咁正, 但味道OK, 唯有夾大箸啲來食.今餐的另一亮點都係燉湯, 今次係海底椰麥冬百合湯, 呢度燉湯最值得一讚係一盅盅準備好, 十分熱
但係港島太平洋酒店<中西‧環>餐廳的自助晚餐已經係第3次幫襯.
第一次係2019年9月中的「大馬滋味台灣風」自助晚餐,
當時正值家人生日, 訂枱時還可要求送上一個免費忌廉蛋糕.
這一餐的亮點係台式牛肉面, 真係做到半筋半肉, 另外苦瓜燉湯很清鮮解膩, 相反大馬菜式則是一般.
第二次幫襯係今年的1月的"飛『粵』夢『功』場"自助晚餐,
時值年初五, 香港的疲情剛開始, 當時草木皆兵, 因此自助晚餐的顧客也很少, 只有3成人,
但當時餐廳的防疫安排很好, 每一枱的兩旁都會有一張吉枱隔開.
這一餐的亮點係豉汁蟠龍鱔及每人一客的鮑魚酥.
輪到今次的「潮茶菜館」自助晚餐,
主打的是我很喜歡吃的潮州滷水,
要知道平時無論晚飯或宵夜去食潮州打冷都係唔平呀,
所以今次呢個自助晚餐主題好啱我.
睇見呢個潮州滷水明檔真係超吸引又超多款式.
12 views
0 likes
0 comments
呢一餐的亮點絕對係滷水鵝, 無論鵝肉、鵝掌、鵝頭、鵝頸、鵝翼都好好食,
大墨魚則切得太薄, 咬落去口感唔係咁正, 但味道OK, 唯有夾大箸啲來食.
14 views
0 likes
0 comments
今餐的另一亮點都係燉湯, 今次係海底椰麥冬百合湯,
呢度燉湯最值得一讚係一盅盅準備好, 十分熱,
要知道飲中湯最緊要熱先至夠滋味.
一盅燉湯有湯有料, 唔似其他自助餐的中湯咁要人"筆",
有時撈到又有時撈唔到想要嘅湯料,
而且咁樣處理以現在的環境來看更覺衛生.
咁呢一餐除咗潮州菜仲有用茶葉整的菜式, 但真係普通過普通,
若不是見到個菜牌寫住"龍井炒蝦仁", "鐵觀音話梅炆元蹄", "壽眉花膠濃湯浸時蔬",
同埋見到菜式上面有啲茶葉, 食咗都唔會感受到有什麼特別好食的茶味, 就係普通中菜嘅味道.
以我估計, 這間酒店的中廚廚藝很精湛, 所以3次自助晚餐的亮點都在中式菜系方面,
相對而言, 其他部分就無咁突出. 凍海鮮款式大路但解凍都做得ok,
日式魚生及壽司款少, 睇見都唔吸引.
至於甜品, 都係港式甜品佔優,
豆腐花溝芝麻糊, 豆腐花夠滑夠熱, 芝麻糊就淡咗啲又只係常溫,
不過兩者溝埋一齊又幾好食.
至於西式甜品就好一般, 雖然賣相好靚, 亦扣緊當日的主題來設計,
但不過味道普通, 試過3次自助餐都係咁,
就真係要再努力了, 除了靚靚造型要保持, 味道都要俾心機改進!
Post
