Video
Read full review
2022-06-28
906 views
車車係附近做完野已經點半, 又餓又攰, 見到E間日式餐廳走少少cyber風幾特別, 於是就入去試下, 餐廳環境幾舒服, 仲有車車最愛嘅日本產品同酒, 好多野都好想買😍 餐廳主打健康日式輕食, 使用季節性時令食材, 而且無味精, 仲可以按自己喜好隨意選擇唔同嘅前菜同主食, 可以配飯或者升級轉LABO RICE, 因為實在太餓, 於是車車就揀左個4品料理套餐試下🌟酒粕咖啡車車第一次試E款全港獨有嘅酒粕咖啡, 酒粕蘊含豐富維生素同膳食纖維, 具養顏功能, 有助降低膽固醇同抗老化, 上枱時會有一杯咖啡同一小杯酒粕, 店員建議先試一試酒粕味道再倒入咖啡, 酒柏味道甘甜, 略帶稠度, 加入咖啡後, 散發出甜米香嘅味道, 可以代替牛奶, 適合素食人士飲用🌟4品料理套餐4品料理可以選兩款主菜同前菜, 車車揀左蟹肉蘋果薯仔沙律同黑醋紅石榴芒果沙律, 兩款沙律都相當清新, 黑醋紅石榴芒果沙律食落酸酸甜甜更開胃, 至於主食方面車車揀左日式黑醋排骨同新菜式意大利青瓜炒蝦仁, 黑醋排骨相當入味軟腍, 非常惹味, 意大利青瓜爽脆多汁, 食落有少少似翠玉瓜, 用嚟炒蝦仁岩哂e d悶熱天氣, 胃口一般嘅日子, 車車亦
餐廳主打健康日式輕食, 使用季節性時令食材, 而且無味精, 仲可以按自己喜好隨意選擇唔同嘅前菜同主食, 可以配飯或者升級轉LABO RICE, 因為實在太餓, 於是車車就揀左個4品料理套餐試下
🌟酒粕咖啡
車車第一次試E款全港獨有嘅酒粕咖啡, 酒粕蘊含豐富維生素同膳食纖維, 具養顏功能, 有助降低膽固醇同抗老化, 上枱時會有一杯咖啡同一小杯酒粕, 店員建議先試一試酒粕味道再倒入咖啡, 酒柏味道甘甜, 略帶稠度, 加入咖啡後, 散發出甜米香嘅味道, 可以代替牛奶, 適合素食人士飲用
🌟4品料理套餐
4品料理可以選兩款主菜同前菜, 車車揀左蟹肉蘋果薯仔沙律同黑醋紅石榴芒果沙律, 兩款沙律都相當清新, 黑醋紅石榴芒果沙律食落酸酸甜甜更開胃, 至於主食方面車車揀左日式黑醋排骨同新菜式意大利青瓜炒蝦仁, 黑醋排骨相當入味軟腍, 非常惹味, 意大利青瓜爽脆多汁, 食落有少少似翠玉瓜, 用嚟炒蝦仁岩哂e d悶熱天氣, 胃口一般嘅日子, 車車亦升級左轉LABO RICE, 其實就係而家好流行嘅藜麥椰菜花飯嚟, 食落爽爽地, 而且幾有飽腹感
🌟抹茶牛奶布丁
E個布丁相當大個, 打開就聞到好香嘅抹茶牛奶味, 質感動L動L咁好誘人, 食落煙煙韌韌, 奶味唔會太濃而蓋過左抹茶味, 甜度岩岩好幾好味！
Post
