碗盛 (Closed)

天后食街出名多野食，碗盛係走高檔次的路線，但都依然有唔少捧場客，實力可見一斑，裝修係好正宗日本風格，有得坐榻榻米。二人餐都有好多野食，前菜有日本醬油山漬，食落酸酸地幾開胃，和風汁豆腐勁大舊，好滑身!有驚喜既係三文魚刺身、吞拿魚腩蓉同海膽，上碟非常之講究，係Fine dining水準!炸虎蝦天婦羅勁香脆，炸粉恰到好處，睇得出唔係用萬年油炸，係有誠意!肥牛壽喜燒都有好多塊牛肉，品質仲要幾高級，肉質嫩口仲要有好多配料，好正!原條日本花魚一夜干燒得好好，魚肉好滑，色香味俱全!日式冷烏冬同冷蒿麥麵都整得好有口感，配埋自家醬汁同埋店員的熱情招待，今晚好高興!!值得再回來!