天鳥居酒屋

Open Now

Now Closed

最近去咗天鳥居酒屋食晚餐，估唔到天水圍都有咁正嘅居酒屋！呢間居酒屋都幾大間，環境好舒服同埋好熱鬧最近seasonal有小鯛刺身，我地叫左半條，都只係$158。鯛魚片好新鮮，色澤好靚同埋肉質好嫩滑，連埋特製嘅汁，每一口都好清新，真係食到停唔到口！之後嚟嘅就係極上壽司盛合，兩個人share食幾好，而且壽司每款都夠新鮮。平時我唔係好食吞拿魚赤身，但呢度都整得夠爽口同有鮮味。我地仲試咗佢哋嘅鹽燒鯖魚定食。鯖魚燒到金黃色同埋好香。鯖魚嘅肉質嫩滑多汁，配埋白飯，真係好正！定食仲跟埋麵豉湯、螺肉、沙律、蕨餅，超抵食！最後，我仲加左芝士辣肉醬焗原條茄子，因為真係好特別少見。加左芝士同埋辣肉醬，味道層次分明同埋好夠香，每一啖都帶嚟濃郁嘅味道同埋好豐富嘅口感。總括而言，天鳥居酒屋真係留低好深刻嘅印象喇！佢嘅食物好正，價錢又平民，性價比唔錯。