반찬앤쿡 Banchan and Cook (太古城中心)

Open Now

Now Closed

又係放工去搵另一半食飯既時候，見呢間cafe佈置得幾靚，座位又寬敞，感覺唔錯。餐廳以先付款，再取餐的形式營運，餐具都是即棄及自取，不過有呀姐執野既。驚喜收銀附近有瓶Detox Water，裏面有火龍果、橙、士多啤梨等，幾足料。燉牛肋骨蛋包飯 豐滿的奄列放在炒飯上，一切開見到裏面都是嫩蛋。牛肋骨好腍，一切立即骨肉分離。 牛味仲幾重。韓式辣炒年糕上面有三大塊香脆韓式炸餃子及半隻蛋。年糕較幼身，質地軟糯。醬汁較為稠身，辣度輕微，唔食得辣既另一半都食到。甜辣無骨炸雞半份辣度比年糕更輕微，炸雞黏著醬汁還是脆身，薯條也是十分香脆。黑芝麻提拉米蘇外表同普通蛋糕好似無咩分別，不過估唔到黑芝麻味濃之外，cream都好綿滑。焦糖脆脆鮮奶咖啡有拉花，咖啡味香濃溶化朱古力都有拉花，仲複雜啲，可惜比側邊啲朱古力碎遮咗少少。入口細滑奶味較重。