甘永泰魚蛋 (Closed)

今日去長洲玩，去咗好多遊客推薦嘅甘永泰。叫咗一個豆卜釀魚肉，$20一串，眼見佢有一個籃分開裝住左幾串魚蛋or豆卜，我比完錢佢就隨手喺個籃就咁俾咗我。我心諗可能佢啱啱炸完，點知一咬落去成口凍嘅油，好嘔心。我即刻走去叫佢幫我一係再炸炸一係換過串，佢話我食過所以唔換，雖則我唔食點知佢係凍，但我亦都冇再同佢堅持，但真係食唔落唯有掉咗佢。我覺得佢收得$20一串最起碼應該串野應該要係熱既唔理好唔好食，再者，佢間野根本就冇人排隊，佢根本就唔需要炸定啲嘢，就算你炸定都好應該係個客叫完之後再幫佢返炸。更重要嘅係，而家係疫情時期根本就唔應該炸定啲嘢就咁放喺度，長洲假期人來人往，甘永泰衛生程度大家有眼得見。真心甘永泰已經係有名無實，建議大家嚟長洲玩留返個肚食其他有心嘅小店。