樂湯雞麵館 x 火鍋 (西洋菜南街) (Closed)

太子呢間 @loktongkeehotpot 主打火鍋，餐廳好光猛，好有空間感，有梳化位坐得幾舒服！我地一坐底店員就俾咗9款火鍋醬料俾我地自己調製～ 🍭花膠魚翅雞煲話明「樂湯雞」又點少得食佢地嘅雞呢～ 而養生嘅花膠湯底一向係我打邊爐之選～ 見到有成隻雞喺個鍋入面，仲有唔少翅同花膠，金黃色湯底鮮甜好飲～ 去到咁上下店員會幫手斬開隻雞俾我地食～ 🍭麻辣雞絲海蜇對於唔食得辣嘅我嚟講呢款真係辣到我唔係好頂得順😂 岩晒鍾意食辣嘅人～ 雞絲海蜇同青瓜撈埋一齊係無得輸！🍭Prime 牛小排(半份)呢個好好食，我差唔多可以ko晒成碟😂 好嫩滑，唔駛點咬就吞到～ 新鮮有牛味，好正～ 🍭即炸響鈴佢地自家即叫即炸響鈴，比一般響鈴大份，口感更加香脆！仲有紫菜味下次要試下！🍭自家製招牌丸餃拼盤擺得好靚嘅拼盤～ 有龍皇雲吞、花膠魚翅餃、韭菜餃、黑椒芝士和牛餃，手打墨魚丸和蝦丸，足料好食～🍭新竹米粉細食人士專點😂 喜歡新竹米粉好幼身，可以索晒啲湯咁食，又唔驚會太飽～ 🍭自家製圓肉杞子菊花露打邊爐一定要點清熱飲品，呢個成壺咁上，邊打邊飲都好快飲晒！