林記車仔麵

Open Now

Now Closed

悠閒嘅星期日，同老公黎到筲箕灣睇戲。睇完戲，已到晚餐時間。難得黎港島，梗係要去西灣河嘅美食天堂<太安樓>覓食啦。「林記」住港島東區嘅朋友，應該無人會唔識，唔少明星，飲食節目都有介紹過，所以門口成日都人龍不斷。以前住港島區，曾幾何時係我宵夜飯堂。2餸$25，3餸$31，4餸$37車仔麵湯底重要唔在講，餸嘅選擇重要多。多。多。多。。3餸 - 豬紅，豬大腸，蘿蔔 配河粉平日嘅蘿蔔好好食，好清甜入味，今日有啲失準，有渣~ 豬大腸肥膏不多，豬紅好入味。嗜辣嘅我加多兩匙辣油，更加惹味。4餸 - 紅腸，齋，腩肉，豬大腸 配油麵豬大腸肥膏不多，紅腸，腩肉同樣好食，推介齋，索埋湯汁勁好食。