十二味麻辣小當家 (Closed)

已經有好耐無食過香辣鍋，可以話好耐無食過川菜。今次係以前或者食過嘅十二味，點解話或者可能食過呢？我係餐廳食食下聽到隔離枱話哩間十二味唔係連鎖嗰間十二味 (此十二味不同彼十二味)。哩樣野少理，好食、環境好就得啦。咁嗰日我同屋企人一齊食，食咗香辣鍋、夫妻肺片、木耳同白飯，個白飯要重點提及，因為啲餸香香辣辣，特別送飯。香辣鍋揀咗5個餸，其中一個餸一定要試嘅就係年糕。香辣嘅年糕，in in韌韌，可以放係口到慢慢咀嚼，咬落仲有小小甜味。美中不足係年糕太易黐埋，有時一食就係兩舊。夫妻肺片係牛嘅內臟切片，非常爽口，超級送飯，推介👍環境方面，嗰日我坐咗室內，要注意嘅係室內比較近廚房，容易有味。室外唔知係唔係哩間餐廳嘅，夜晚室外係超靚，有境有光，chill。