咖啡弄 (Closed)

去開銅鑼灣想搵間餐廳可以坐耐少少，就諗起曾經紅遍一時嘅「咖啡弄」排隊要排到出樓梯下面🚶🏻‍♂️，但如今人氣已經差太多啦，餐廳需然都坐左幾枱客人，但假期下午時段唔洗等位就可以直入，可能太耐冇嚟服務都改變左，記得最初幫櫬係有台灣腔嘅店員幫客人落單，感覺比較似貼近台灣店感覺，如今都係香港人，人手亦超不足，食物質素感覺都下降咗😐-當時人氣《草莓冰淇淋鬆餅》🥞，如今變得超厚實不夠鬆軟，蛋味是充足的，但偏乾最後好辛苦地食左兩小件超失望🙍🏻‍♂️，《玉米里肌起司可頌》🥐牛角包夠脆身，車打芝士好濃味，火腿配料夠多算唔錯，指定要叫兩杯飲品都比較偏甜，《茉香蜜桃冰茶》面上放滿水果賣相幾靚，茶都幾清新蜜桃味好出眾🍑，如果減一點糖會更好😳《冰焦糖瑪奇朵》真係甜到頂唔順，最後剩下大半杯，經過時間變遷好似已經唔係熟悉嘅咖啡弄，剩下好處就係變了冇限座時間食左接近兩個鐘都冇被人趕走，假期可以好好休息一下🤫