星‧68 (Closed)

老婆想食大閘蟹，諗住鴻星靠得住，點知港島區鴻星執晒，得番間同集團嘅星68，試下啦。去到萬宜大廈，真係大鄉里，搵左好耐都見唔到間鋪，原來唔係商場裡面，要係外面入。去到只有6-7枱客，心諗星期日夜晚真係咁靜？環境因為人少，所以都幾ok，但去到食物個部份，就非常失望，大閘蟹太細隻，而且唔多羔，套餐其他食物，蟹粉小籠包冇蟹粉兼冇湯汁，蟹肉芙蓉羹冇料且太鹹，炸廣島蠔粉太厚而且隻蠔係乾嘅，上湯菜苗未熟而且係「老菜」，唔係菜苗，最後得個豬肉稍為好d，但都係淨係豬肉，一d配菜都冇，埋單3個人$16xx，又冇泊車優惠，唔抵食，應該冇下次。