海睿日本料理 (Closed)

之前一直都好想試呢間日本餐廳 見佢新開張 裝修唔錯 滿懷期望，可惜最後失望而回。首先由Menu開始，壽司 刺身 lunch set 百幾蚊一個餐，但單睇menu 就咁寫雜錦刺身 、特選魚生飯，完全無提及食材，又無相，只單純寫有幾多件壽司，應該要提供多啲資料，問個職員幾個餐分別有咩刺身或壽司 佢都要睇貓紙先答到我，咁作為第一次黎食嘅客我點會記得哂呢。第二，魚生飯送個湯烏冬完全唔知係咩湯底，白色，飲落完全唔知咩黎。麵鼓湯又係淡。第三，刺身飯到左，一點落去，啲鼓油味咁怪嘅😰酸架 佢地將啲醬油混錯左。不過師傅麵好好佢比返另一塊刺身我。第四，整體啲刺身飯，魚生飯醋落得太多偏酸。第五，甚幾件刺身連皮上，但有啲皮係硬到咬唔到😂第六，帶子海膽完全無鮮甜味，帶仔得個大字。職員態度良好，不過食物質素有待改善。食完呢餐埋單差不多三百蚊，我倆覺得食元X GexKi 仲滿足仲好味🙈 亦都應該唔會再光顧